Fel arfer, maen nhw'n para rhwng dwy a thair blynedd. Gall hynny ddibynnu ar y math o brentisiaeth a lefel y cymhwyster rydych yn gweithio tuag ato.

Mae hynny'n dibynnu ar y swydd rydych yn hyfforddi ar ei gyfer. Mae 150 o lwybrau prentisiaeth gwahanol ar gael. Mae pob prentis yn dilyn rhaglen astudio sydd wedi'i chymeradwyo. Mae hynny'n golygu y byddwch yn ennill cymhwyster cydnabyddedig. 

Erbyn diwedd eich prentisiaeth bydd gennych y cymwysterau, y sgiliau a'r profiad sy'n matsio yn union beth mae'ch cyflogwr ei eisiau. Mae hefyd yn eich gwneud yn fwy cyflogadwy pan fyddwch eisiau neu angen symud ymlaen. 

Bydd hyn yn dibynnu ar beth rydych yn ei wneud. Bydd eich cyflogwr yn penderfynu sut maen nhw am eich hyfforddi i wneud eu gwaith. Dyma rai o'r ffyrdd mae prentisiaid yn cael eu hyfforddi: 

• Yn y swydd 
• Yn y coleg a allai fod yn amser llawn neu'n rhan-amser 
• Mewn canolfan hyfforddi lle byddwch yn mynd unwaith yr wythnos neu mewn blociau o ddyddiau neu wythnosau 

Byddwch yn sicr yn cael hyfforddiant, ond eich cyflogwr newydd fydd yn penderfynu sut a pha mor aml, pryd a ble. Rhoddir y wybodaeth hon i chi pan ewch drwy'r cais neu dylech ofyn am fanylion yn eich cyfweliad. 

Mae mwy na 150 o swyddi gwahanol. Yn y gorffennaf roedd prentisiaethau mewn crefftau fel adeiladu a pheirianneg ond nawr maen nhw ym mhob math o waith. Edrychwch ar y cyfleoedd. Mae llawer o opsiynau. Cewch edrych ar bob cyfle neu ffiltro’r canlyniadau yn ôl y math o waith neu’r ardal lle rydych yn byw.

Oes angen syniadau arnoch? Cliciwch yma

Ydych eisiau gwneud ymchwil? Chwiliwch am swydd neu gwrs yma

Mae'n rhaid i chi fod yn 16 oed neu'n hŷn. Does dim terfyn oedran uchaf. 

Mae'n rhaid i chi ymgeisio fel unrhyw swydd arall. Mae Prentisiaethau yn ffordd dda o gael gwaith a dysgu o'r dechrau, felly maen nhw'n gystadleuol iawn. Mae'n rhaid i chi baratoi cais da. Gallwn eich helpu gyda hynny. Edrychwch ar ein gwybodaeth ar geisiadau am swyddi yn yr adran Gyrfa+. 

Eich cyflogwr sy'n penderfynu, ond cofiwch na fyddwch yn gynhyrchiol iawn iddyn nhw tra byddwch yn dysgu, ac efallai byddwch yn treulio llawer o amser i ffwrdd o'r gweithle yn hyfforddi. Mae isafswm cyflog cenedlaethol ar gyfer prentisiaid.  gov.uk- isafswm cyflog cenedlaethol 

Cliciwch y ddolen hon i chwilio am Brentisiaethau. Dyma’r Gwasanaeth Paru Prentisiaid. Cofrestrwch nawr i sicrhau nad ydych yn colli unrhyw gyfleoedd. Cewch edrych ar y cyfleoedd i gyd neu rai yn eich ardal chi yn unig, neu’r math o swyddi mae gennych ddiddordeb ynddyn nhw.

Bydd llawer o brentisiaethau yn cael eu hysbysebu ar y wefan hon, ond fydd rhai ddim yn ymddangos yma ac efallai byddwch chi’n darbwyllo cyflogwr i roi prentisiaeth i chi.

Ffoniwch 0800 028 4844 am help a chyngor. 

Cewch fwy o wybodaeth am chwilio am swydd yma

Beth fydd yn gweddu orau i chi? Cysylltwch â Gyrfa Cymru.