‘Fe wnaeth chwilio am swyddi ar y cyfryngau cymdeithasol roi hwb i fy ngyrfa fel saer’ 

Mae dyn ifanc a oedd yn chwilio am waith o Gwm Nedd wedi dweud mai i hysbyseb Twf Swyddi Cymru ar Facebook mae’r diolch am roi hwb i’w yrfa.

Roedd Josh Horton, 18 oed, o Lyn-nedd, wedi bod yn ddi-waith am fis ar ôl gadael y coleg pan lwyddodd i gael ei swydd saer dan hyfforddiant llawn amser gyda’r cwmni gweithgynhyrchu adeiladau gardd lleol, Bramwood Timber.

Gorffennodd Josh ei gyfle chwe mis ym mis Mehefin a gwnaeth gymaint o argraff fel iddo gael cynnig swydd barhaol. Meddai: “Clywais am y swydd hon drwy’r cyfryngau cymdeithasol."


“Clywais am y swydd hon drwy’r cyfryngau cymdeithasol."

“Byddwn i’n eich   
cynghori i fynd amdani.
Mae Twf Swyddi Cymru 2wedi bod yn gymorth mawr i mi. "

“Roeddwn i’n chwilio am swydd ymarferol ac er fy mod wedi bod yn y coleg yn astudio mecaneg, roeddwn i wedi gadael gan nad oedd i mi.

"Roeddwn i wedi bod yn ddi-waith am tua mis ac yn chwilio am waith pan welais i hysbyseb swydd gyda Bramwood Timber ar Facebook
"a phenderfynais fynd amdani.

"Rhoddais fy mhen i lawr o’r diwrnod cyntaf ac rydw i wir yn mwynhau’r gwaith.

Felly, beth yw cyngor Josh i bobl ifanc sy’n gorffen addysg ac sy’n chwilio am waith yr haf hwn?

"Byddwn i’n eich cynghori i fynd amdani. Mae Twf Swyddi Cymru wedi bod yn gymorth mawr i mi. Rydw i ar fin symud i fy fflat fy hun ac mae fy swydd wedi fy helpu i wneud hynny, i fod ychydig yn fwy annibynnol.”



"Twf Swyddi Cymru yn gweithio i ni"

Busnes teulu yw Bramwood Timber a sefydlwyd dri deg mlynedd yn ôl ac sy’n cyflogi pum gweithiwr ond yn bwriadu recriwtio un arall yn y mis neu ddau nesaf yn sgil twf y busnes.

Meddai Huw Watkins, y rheolwr:

“Fy nhad-yng-nghyfraith ddechreuodd y busnes. Bu farw wyth mlynedd yn ôl. Roedd fy mab yn drydanwr ym Mhwll Glo Aberpergwm yng Nglyn-nedd cyn iddo gau rai blynyddoedd yn ôl. Dyna pryd y penderfynodd fy mab gymryd awenau busnes ei daid.

“Daeth y busnes mor boblogaidd fel bod angen i fy mab gael rhywun i reoli’r gweithdy, a gofynnodd i mi ymuno â’r tîm.

"Rydym ni’n adeiladu siediau a thai haf yn y gweithdy, mae fel ‘gweithdy coed’ gan ei fod yng nghanol y goedwig. Roedd yr adeilad yn arfer bod yn lloches i ferlod y pwll glo.

"Roedden ni’n mynd yn fwy a mwy prysur, felly fy syniad i oedd recriwtio drwy Twf Swyddi Cymru ar ôl i un aelod o’r côr rydw i’n canu ynddo, sydd hefyd yn rhedeg ei fusnes ei hun, ei argymell i mi.

"Cafodd ein gweithiwr Twf Swyddi Cymru cyntaf gyfle gyda ni bedair blynedd a hanner yn ôl a Josh yw’r trydydd. Rydym ni wedi gallu cynnig swyddi llawn amser iddyn nhw ar ddiwedd y chwe mis, sy’n wych.

"Mae Twf Swyddi Cymru yn gwneud synnwyr ariannol i ni, gan ei fod yn talu 50% o gyflogau gweithwyr. Rydym ni hefyd wedi gallu cyflogi yn lleol. Mae Aaron a Josh, y ddau sydd wedi’u recriwtio ddiwethaf, yn byw o fewn cyrraedd cerdded i’r gweithdy. Dydyn nhw ddim yn gyrru felly byddai wedi bod yn anodd iddyn nhw chwilio am waith yn rhywle arall, ond rydym ni wedi gallu cynnig cyfleoedd cyflogaeth iddyn nhw."

Meddai Eluned Morgan, Gweinidog y Gymraeg a Dysgu Gydol Oes:

“Mae Twf Swyddi Cymru yn cynnig cyfle perffaith i oedolion ifanc rhwng 16-24 sy’n awyddus i weithio ac sydd angen hwb i’w gyrfa gan ennill profiad gwerthfawr mewn swydd gyda thâl yr un pryd. Mae’r rhaglen nid yn unig yn rhoi cyfle i bobl ifanc ddysgu a datblygu sgiliau cyflogadwyedd hanfodol, ond mae’n gam cyntaf hollbwysig ar yr ysgol yrfaol hefyd.

“Mae Llywodraeth Cymru wedi ymrwymo i sicrhau bod ein sgiliau a’n rhaglenni cyflogadwyedd yn cefnogi pobl ifanc fel Josh yn eu hymdrechion i ganfod swyddi gwerth chweil, gan roi cyfle hefyd i gwmnïau ledled Cymru i oroesi, ffynnu ac ehangu.”


Cymerwch y cam cyntaf tuag at eich gyrfa.

Chwilio am swyddi gwag a dod i wybod sut i wneud cais am Twf Swyddi Cymru

Dilyn @twfswyddicymru ar Twitter

 Hoffi tudalen TwfSwyddiCymru ar Facebook.

Ydych chi’n gyflogwr gyda diddordeb? Dewch i wybod mwy?

Angen mwy o help? Cysylltwch â ni

 





Croeso i Gyrfa Cymru

Dewiswch iaith

Cymraeg

Welcome to Careers Wales

Please select your language

English